Waxaa maalintii ay taariikhdu ahayd 08.09.07 ku yimid magaalada Roma ee dalka talyaaniga booqasho rasmi ah wafdi uu hogaaminayo wasiirka arrimaha dibedda ee dawladda federaalka ku maal gaarka ah Mudane Xuseen Ceylaabe.

Wasiirka iyo wafdigiisa oo soo degey aroornimadii ayaa waxaa ku soo dhaweeyey garoonka diyaaradaha saraakiil ka socota wasaaradda arrimaha dibedda ee talyaaniga iyo safaaradda iyo qunsuliyadda ay soomaaliya ku leedahay magaalada Roma.

Socdaalka wasiirka ayaa waxa uu la xiriiraa shir ay maalinta khamiista ku yeelanayaan Roma kooxda xiriirka (Contact Group) e qaabilsan arrimaha Soomaaliya. Wasiirka ayaa waxa uu booqday safaaradda iyo qunsuliyadda Soomaaliya ee Roma isagoo halkaa warbixinno kaga dhegeystay kusimayaasha safaaradda iyo qunsuliyaddaba.

 

Maxamed Roberto

Janaale.com - Roma