INNA
LILAAH WA INNAA ILEYHI RAJICUU, anigoo ka tiiraanyeysan ayaan waxaan tacsi u
dirayaa eheladii iyo dhamaan dadweynaha soomaaliyeed anigoo uga tacsiyeynaya
dadkii naf iyo maalba ku waayey badgariirkii dhawaan soo gaaray dalkeena
qeybo ka mid ah.
Taa waxaa ii raaca, dhibaatada fogaatay ee dalkeena waxa ay dhalisay
kalsoonidii dhexdeena ahayd oo yaraatay waxaana hubaal ah in ay tahay lagama
maarmaan in dib loo dhiso kalsoonidaas. Ummaddoo is gargaarta waxay dhalisaa
kalsooni, is jacayl, wada tashi, horumar iyo xag Alloo dambi dhaaf iyo ajar
Aakhiro laga helo.
Waxaa ina soo maray fursado badan oo aan ka faa’ideysan weynay kuwaasoo
isukaaya soo dhoweyn lahaa, haddaba dhibatadan ka dhalay badgariirka ee
khasaarehiisu wax ka soo gaareen dad soomaaliyeed ayey tahay in aanu u wada
gurmano ururada bulshada, culimaa’u diinka, hey’adaha samafalka ee wadaniga,
qurba joogta iyo ganacsatadaba.
Dadkeenu waa in ay bartaan in aan dawlad ama gargaar dibedeed uun wax laga
sugin e ay bulshadu is ababushaa. Khasaarahaa badgariirku geystay waa wax
laga argagaxo oo aad u dhibaata badan, hadana waa fursad aan wax isugu
qabanno ee yeysan taa ina dhaafin.
